КАСБИ. “Қашқадарё вилояти Касби туманидан мурожаат йўллаяпмиз. Туман марказидаги икки қаватли уйларда яшаймиз. Ҳудуд қаровсиз аҳволда. Канализация ишламайди. Қўлбола ҳожатхонадан фойдаланишга мажбурмиз. Ахлат ташлайдиган жой йўқ. “Обод маҳалла” дастурига киритилганига 2 йил бўлди, аммо ҳеч қандай натижа йўқ. Туман ҳокимияти ёнида шундай аҳвол бўлса, чўл зонадаги аҳоли қандай яшаётган экан? Масъуллардан амалий ёрдам сўраймиз”.