"Андижон шаҳрида жойлашган 37-сонли ўрта таълим мактаби қиш фасли келаётганига қарамай, таъмирлаш ишлари учун ёпилди. Энг қизиғи шуки, мактаб раҳбарияти ушбу таъмирлаш ишларини ёзда бошлаб, ҳозиргача битирса бўлар эди.
Барча болалар ва ота-оналар қийин аҳволга тушиб қолишди. Ўқувчилар ҳар куни бизнинг ҳудудимиздан узоқда жойлашган Енгил Саноат Коллежи ётоқхонасида ўқимоқда. У ердаги шароит жуда хароб аҳволда.
Илтимос, бизларга ёрдам беринг! Бу аҳмоқгарчиликдан ким фойда кўради? Айрим амалдорлар ўз ишини билмаганидан, ёки ўз манфаати учун қилган иши туфайли минглаб одам энди сарсон бўлмоқда.
Ётоқхонанинг хоналари жуда совуқ ва қоронғи. Свет умуман йўқ.На ошхонаси бор, на яроқли ҳожатхонаси бор. Қисқа қилиб гапирсак, қиш кунларида бу кимга зарур? 37-сонли мактабнинг аҳволи бу ердаги хароб шароитлардан анча яхши эди.
Яна бу ишлар етмаётгандай, ремонт, металлолом, макулатура, обуна ва пахта фондлари учун тез-тез пул йиғилади. Агар пул бермасак, болаларимизни ҳаммани ичида шарманда қилар экан. Обуна учун 10 000 минг сўмдан пул йиғади. Бироқ, на журнал, на газета беради. Директор олдига боришнинг иложи йўқ. "Хоҳласангиз, бошқа мактабда ўқитинг" деб айтмоқда".
Андижонлик болакайлар хароб шароитда ўқишга мажбур
-----------------------------------------------------------------------------------------------
Илтимос, “Sizdan Telegram” лойиҳасига юбораётган хабарингизга далил сифатида фото, видео ёки ҳужжатларни иложи борича илова қилишингизни сўраймиз.