Тошкент вилояти
ТОШКЕНТ вил. – “Ҳудудимиздаги иккита кўп қаватли уй таъмирланган, лекин учта “дом” таъмирсиз қолмоқда” (ВИДЕО)
ОҲАНГАРОН. “Тошкент вилояти Оҳангарон тумни Ғалла қудуқ МФЙдан мурожаат йўллаяпмиз. Ҳудудимиздаги 2 та кўп қаватли уй таъмирланган, лекин 20, 22, 24-уйлар таъмирсиз қолмоқда. Кўчаларда чироқ ўрнатилмаган, йўлаклар таъмирталаб. Подвални сув босган. Подъездларда электр симлар хавфли ҳолда чиқиб ётибди. Болаларни чиқаргани қўрқамиз. Мутасаддилардан ҳолатни ўрганиб, кўп қаватли уйларни таъмирлаб беришларини сўраймиз”.
(Бу хабар STга 13 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Бу ҳолат меҳнат қонунчилигига ҳам, жамоа шартномасига ҳам зид”
“Олмалиқ кон-металлургия комбинати тизимидаги тураржойларни таъмирлаш ва тасарруф этиш бошқармаси (ЖРЭУ 2) ишчилари номидан ёзмоқдамиз. Бошқармамиз раҳбари байрам кунлари ишлатмоқда. Ҳолбуки, бу меҳнат қонунчилигига ҳам, жамоа шартномасига ҳам тўғри келмайди. Масалан, 17 январь куни подъездни совуқ сувда ювишимизга тўғри келди. Бу билан иззат-нафсимизга ҳам тегишди.
Кези келганда фаррош табель тўлдиради. Ахир, табель тўлдириш фаррошнинг вазифаси эмас-ку. Бунинг учун маош олаётган масъул ходимлар бор-ку.
Яна бир масала. Бизда, дейлик, 20 йил стажга эга ходим ҳам, 5 йилдан буён ишлаётган ходим ҳам бир хил маош ва таътил пули олади. Иш стажига қараб маош фарқланмайдими?
Айтганча, корхонамиз касаба уюшмасидан бепул саёҳат йўлланмаларини адолатли тақсимлашларини ҳам сўраб қоламиз...”
(Бу хабар STга 20 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ тум. – “Шифохонада айрим ходимлар ўз ишига масъулиятсизлик билан қараяпти” (ВИДЕО)
“Тошкент тумани Келес кўп тармоқли шифохонасига бемор ўғлимни олиб келган эдим. Жой йўқ дейишди, аммо танишларига жой қилиб беришяпти. Айрим беморлар коридорда кутиб турибди. Бунинг устига, бўлим бошлиғи қўпол муомала қилди. Ёлғиз аёлман. 5 нафар фарзандим бор. Кичик фарзандим 2-гуруҳ ногирони. Бемор бўлгач, шифохонага мурожаат қиламиз-да. Аммо бу ердаги айрим ходимлар ўз ишига масъулиятсизлик билан қараяпти. Муҳтарам Президентимиздан амалий кўмак беришларини илтимос қиламиз”.
(Бу хабар STга 9 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Тез ёрдам машинаси яроқсиз, оғир аҳволдаги беморларни шифохонага вақтида етказолмаяпмиз” (ВИДЕО)
ЯНГИЙЎЛ. “Тошкент вилояти Янгийўл тумани Тез ёрдам бўлимида ишлаймиз. Беморлар учун дори-дармон, шароит бор, аммо машина эски ва яроқсизлиги сабаб оғир аҳволдаги беморларни шифохонага вақтида етказиб олиб бора олмаяпмиз. Куни кеча оғир аҳволдаги беморга чақиришди. Керакли ёрдамни кўрсатдим, машинага ортиб шифохона олиб кетаётганимизда бемор клиник ўлим ҳолатига тушди. Йўллар тирбанд, машинанинг эса ҳатто сигнали ва мигалкаси ҳам ишламайди. Ҳайдовчилар эса йўл бермайди. Ҳолатга соғлиқни сақлаш масъуллари эътибор қаратади, деган умиддамиз”.
(Бу хабар STга 21 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ST-таъсир: “Носоз тез ёрдам машинаси таъмирланди, янги машинага буюртма берилди”
ОЛМАЛИҚ. ST’да Олмалиқ кон-металлургия комбинати тасарруфидаги Чодак конига тегишли “Дамас” тез ёрдам машинаси таъмирталаб аҳволда экани хусусида мурожаат чоп этилган эди. Ушбу мурожаат юзасидан берилган жавоб хатида қайд этилишича, носоз автотехника воситаси таъмирдан чиқарилди.
“Носоз ҳолдаги автомашинани ишга қўйгани учун мутасадди раҳбар ўз вазифасидан озод этилган. Янги тиббий тез ёрдам машинасига буюртма берилган”, дейилади расмий жавоб хатида.
(Бу хабар STга 3 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Мактаб таъмирталаб. Ўқувчилар ўтиши учун пиёдалар йўлаги ва светофор ҳам йўқ”
ҚУЙИ ЧИРЧИҚ. “Тошкент вилояти Қуйи Чирчиқ тумани Сурум маҳалласида жойлашган 37-мактаб бир неча йилдан бери таъмирталаб аҳволда. Спорт зали ремонт қилиниши керак. Шу сабаб фарзандларимиз жисмоний тарбия дарсини совуқда ҳам ташқарида ўтишади. Мактаб ошхонаси талабга жавоб бермайди. Синфхоналарда ҳам шароит яхши эмас. Оддийгина кийим илишга шкаф, ҳатто илгич йўқ. Мактабга ўтиш учун пиёдалар йўлаги ҳам, светофор ҳам йўқ. Қатнов эса катта. Светофор масаласида ИИБга мурожаат қилдик, аммо натижа бўлмади. Юртимизда қанча мактаблар таъмирланмоқда. 37-мактаб ҳам замонавий ҳолатга келтирилади деган умиддамиз”.
(Бу хабар STга 1 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Кўп қаватли уйларимиз олдида газ “заправка” қурилишига қаршилик билдирамиз...”
ЧИРЧИҚ. “Тошкент вилояти Чирчиқ шаҳри 3-кичик ноҳиядан мурожаат қиляпмиз. Камалак маҳалласининг 43, 44-кўп қаватли уйлари ҳамда Тинчлик маҳалласининг 34, 35-кўп қаватли уйлар олдида автомобилларга газ тўлдириш шохобчаси қурилмоқда. Биз бу қурилишга қаршимиз. Аввало, аҳоли яшаш ҳудудида газ “заправка” қурилиши хавфлидир. Қолаверса, бу қатор ноқулайликлар туғдиради. Жумладан, у ишга тушгач, машина қатнови кўпайиб, шу йўлдан мактабга қатновчи болалар ҳаётига хавф туғдириши мумкин. Мутасаддилардан “заправка” қурилиши лойиҳасини қайта кўриб чиқишларини сўраймиз”.
(Бу хабар STга 28 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Ҳолбуки, маҳалламизга табиий газ етказиш имкони мавжуд”
БЎКА. “Тошкент вилояти Бўка тумани Ғ.Азаматов ф.у. Боғ кўчасидан ёзмоқдамиз. Мана, 8 йил бўлди, маҳалламиз газ тармоғидан узилган. Сабаби ўша вақтда аҳолига асоссиз қарздорлик ёзилган. Боғ кўча аҳолиси 8 йилдан буён қишда ўтин, кўмир сотиб олиб кун кечирмоқда. Болаларимиз совуқда кўп касал бўлади. Ҳолбуки, табиий газ етказиш имкони мавжуд. Яқин ҳудуддан газ тортиб, 1 дона ГРП билан таъминлашда ёрдам сўраймиз. Туман ҳокими, сектор раҳбарлари ва маҳалла фаоллари масалани ижобий ҳал этади деган умиддамиз”.
(Бу хабар STга 29 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Режани ошиғи билан бажардик, аммо кластер ҳақимизни тўлаб бермаяпти”
ЗАНГИОТА. “Тошкент вилояти Зангиота туманидаги 2020-2021 йил мавсумида ғалла эккан фермерлар номидан мурожаат қиляпмиз. Мавсумда ғалла режасини ошиғи билан бажардик, аммо “Мелек Дон Агро” МЧЖ кластери ғалла пулини ҳалигача тўлаб бермаяпти. Бир томондан, туман солиқ инспекцияси томонидан солиқ қарздорлиги ҳисобланиб, ундириш учун МИБга юборилган. Иккинчи томондан, қилинган харажатлар ва меҳнат учун ҳақ тўланмади. Ҳурматли Президентимиз деҳқоннинг манфаати учун кластер тизимини татбиқ этдилар, лекин айрим маҳаллий ҳокимиятлар, кластер масъуллари бу сиёсатнинг моҳиятини тушунмай, фермерларда норозилик уйғотмоқда. Ҳолбуки, ўтган йили июль ойи охирида “Ғалла Алтек” давлат ташкилоти томонидан пуллар тўлаб берилган эди. Бу йил ҳам бу ташкилот кластерга пулни ўтказиб берган, аммо фермерлар ҳали рози қилинмади. Республикамизнинг дон соҳасига масъул бўлган раҳбарлардан кўмак сўраймиз”.
(Бу хабар STга 25 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Уйим таъмирталаб. 1-синф боламнинг дарс қилишига ҳам шароит йўқ”
ЧИНОЗ. “Мен – Гулноза Шоабдиева, Тошкент вилояти Чиноз туманидан такрор мурожаат йўллаяпман. Уйим таъмирталаб, совуқ. 1-синф боламнинг дарс қилишига ҳам шароит йўқ. Икки нафар фарзандим, турмуш ўртоғим билан бир хонада яшаймиз. Овқатланиш хонамиз ҳам, ётоқ жойимиз ҳам шу. Хонада рисоладагидек пол ҳам, шифт ҳам йўқ. Таъмир масаласида ёрдам сўраб, маҳалла ва ҳокимиятга бир неча бор мурожаат қилдим. Аҳволимизни билатуриб аёллар дафтаридан ҳам чиқариб юборишди. Аварияга учраб ногирон бўлиб қолганман, тез-тез муолажа олиб тураман. Мутасаддилардан кўмак сўрайман”.
(Бу хабар STга 11 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Ўзметкомбинат"да иш вақтида рўй берган бахтсиз ҳодиса яширилмоқдами?” (ВИДЕО)
“Ўзметкомбинат” АЖ ходимлари номидан мурожаат қилмоқдамиз. Жорий йил 13 сентябрь куни “Ўзметкомбинат” АЖга қарашли, Оҳангарон шаҳридаги “Лида металл” корхонаси металл эритиш қозонида кучли ёнғин содир бўлди. Натижада бир неча ходим жароҳат олган. Комбинат раҳбарияти эса ишлаб чиқаришдаги бахтсиз ҳодисани яшириб, тегишли ҳисоботга киритмаган ва рўйхатга олмаган. Жароҳатланган ходимлар ҳам маъмурият тазйиқи билан шифохонага олиб борилмай уйида даволанмоқда. Ҳолат ўрганилиши ва жароҳатланган ходимларга товон пули тўланишида мутасаддилардан кўмак сўраймиз”.
(Бу хабар STга 17 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – Бева аёл: “МФЙ мени темир дафтардан чиқариб юборди...”
БЎКА. “Мен – Азиза Носиржонова, Тошкент вилояти Бўка тумани Маданият маҳалласида яшайман. Бева аёлман, уч нафар вояга етмаган фарзандим бор. МФЙ менга айтмасдан темир дафтар рўйхатидан чиқарворибди.
Икки ярим йилдан буён фарзандларимни ўзим катта қиляпман. Уйим таъмирталаб аҳволда, ювиниш хонаси, ҳаммом йўқ, ҳожатхона талабга жавоб бермайди. Ўзим ишсизман. Мутахассислигим эколог-лаборант. Туман ҳокимимиз ва аёллар кенгаши раҳбарига кўп марта мурожаат қилганман, лекин фойдаси бўлмади. Президентимиз бола бошига мактаб формаси учун 500 минг сўмдан ёрдам пули берилади деган эдилар. Аммо мени темир дафтардан чиқариб беришмади. Амалий ёрдам кутиб қоламан”.
(Бу хабар STга 5 сентябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “150 оиланинг эътирозига қарамай тадбиркор ўзбошимчалик билан қурилиш қиляпти” (ВИДЕО)
ЗАНГИОТА. “Тошкент вилояти Зангиота тумани Чорбоғ маҳалласидан мурожаат қиляпмиз. Ҳудудимизда Президентимиз ташаббуси билан 150 нафар оилага намунали коттежлар қурилган. Маҳалла аҳли ўзимиз маблағ йиғиб, болалар майдони барпо қилган эдик. Аммо бир “тадбиркор” ҳудудни эгаллаб олди, ноқонуний равишда қурилиш бошлаб юборди. Ҳолбуки, қўлида қурилиш учун ҳужжати йўқ. Қолаверса, стадионнинг эгаллаб олинишига 150 оила қарши. Туман ҳокимлигига бир неча бор мурожаат қилдик, аммо натижа бўлмади. Ҳурматли Президентимиз оддий халқ оғирини енгил қилиш, уни рози қилиш ҳақида кўп гапирмоқдалар. Бизнинг мурожаатимиз ҳам ижобий ҳал этилишига ишонамиз”.
(Бу хабар STга 30 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Кўп қаватли уй тагидан сув чиқиб ётибди. Бу кетишда “дом” авария ҳолатига тушади”
ЧИРЧИҚ. “Тошкент вилояти Чирчиқ шаҳри Умид маҳалласи Алишер Навоий кўчаси 162-уйдан мурожаат қиляпмиз. Бир ойдан буён аҳоли носоз қувур туфайли азият чекмоқда. “Дом” тагидан ўтган ичимлик сув қувуридан сув оқиб чиқмоқда. Уй олди кавлаб ташланган, ҳатто юришга жой йўқ. Қўшниларимиз чуқурга йиқилиб ҳам тушди. Қишлоқларда одамлар сувга зор, бу ерда эса тоза сув исроф бўлмокда. Бу кетишда “дом” авария ҳолатига тушади! Сув идораси ва ҳокимият зудлик билан масалани ҳал қилади, деган умиддамиз”.
(Бу хабар STга 22 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вилояти: "Дробилка сабаб чанг-тўзон, қум уйимиз ичигача киради" (ВИДЕО)
ЗАНГИОТА. “Тошкент вилояти Зангиота тумани Хонобод қишлоғидан Чирчиқ дарёси оқиб ўтади. Дарё қирғоғида тош майдалайдиган машина – дробилка ўрнатилган. У ишлаганда чанг-тўзон, қум учиб, уйимиз ичигача киради. Қум тишларимиз орасигача кириб, ғижирлайди. Аҳоли саломатлиги ва тинчлиги хавф остида...”
(Бу хабар STга 26 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вилояти: "23 кундан буён ичимлик суви йўқ"
ЯНГИЙЎЛ. “Тошкент вилояти Янгийўл тумани Гулбаҳор ҳудудидаги сув қувурлари ёрилгани сабабли фуқаролар 23 кундан буён ичимлик сувсиз яшамоқда. Одамлар анҳор сувини тиндириб ичишга мажбур бўлмоқда. Сувдан заҳарланиш ҳолатлари кузатилмоқда. Туман ҳокимияти яхшиям Гулбаҳорда...”
(Бу хабар STга 18 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: "Дарахт кесилаётгани фотосуратлари вилоят Экологиясига берилган, аммо чора кўрилмади" (ВИДЕО)
БЕКОБОД. “Тошкент вилояти Бекобод шаҳрида чинорлар кесилмоқда. Дарахт кесилаётгани фотосуратлари вилоят Экология бошқармасига берилган, аммо чора кўрилмади. Дарахт кесиш ҳолатини видеога олган фуқаро эса калтакланган. Дарахтларни ноқонуний равишда кесганлар ва фуқарони калтаклаганларга чора кўрилишини сўраймиз”.
(Бу хабар STга 10 июнь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Карантинга қарамай оммавий меҳнат ярмаркаси ўтказилди”
АНГРЕН. “Тошкент вилояти Ангрен шаҳрида Меҳнат вазирлиги ва шаҳар ҳокимлиги ҳамкорлигида ташкил этилган ярмарка жараёнини кўринг. Карантин талаблари ҳақида гап ҳам бўлиши мумкин эмас! Тиббий хизмат, ёнғин хавфсизлиги вакиллари ҳам йўқ...”
(Бу хабар STга 7 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. - “Ҳамширалар аҳолининг амбулатор картасини ўз ҳисобидан янгиламоқда”
ОЛМАЛИҚ. “Тошкент вилояти Олмалиқ шаҳридаги оилавий ҳамширалар номидан ёзмоқдамиз. Биздан шаҳримиздаги барча аҳолининг тиббий амбулатор картасини ўз ҳисобимиздан янгилаш ва папкаларга жойлаш талаб қилиняпти. Ҳамшираларнинг маоши ҳаминқадар эканини билишмайдими? Аҳоли тиббий картасини янгилашда канцелярия харажатлари учун ажратилган маблағ қаерга кетди?”
(Бу хабар STга 8 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ ВИЛОЯТИ: “Мактаб психологи болаларга уриш, сўкиш орқали "тарбия" бермоқда” (ВИДЕО)
БЎКА. “Тошкент вилояти Бўка тумани 3-умумий ўрта таълим мактаби психологи болаларга уриш, сўкиш орқали тарбия бермоқда! Психолог шундай қилса, бошқа ўқитувчилардан нима кутиш мумкин?”
(Бу хабар STга 6 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: "Тошкент вилояти ҳокимига қабулига келдик. Аммо у қабул қилмаяпти" (ВИДЕО)
ТОШКЕНТ вил. “Кўп сонли фуқаролар турли муаммолар билан Тошкент вилояти ҳокимига қабулига келдик. Аммо у қабул қилмаяпти. Орамизда кексалар, ёш болали оналар бор. Агар муаммоларимиз шаҳар-туманларда ҳал бўлганда, шунча йўл босиб келмас эдик. Вилоят ҳокими арзимизни тинглашини сўраймиз”
(Бу хабар STга 24 март куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вил. – “Янги қурилган тўғон аҳоли ҳаёти ва мол-мулкига хавф туғдирмоқда” (ВИДЕО)
ПАРКЕНТ. “Тошкент вилояти Паркент тумани Кумушкон қишлоғидан ёзмоқдамиз. Уйимиз сой бўйида жойлашган. “Кумушкон тараққиёт инвест” МЧЖ cойимизда тўғон қурди, бу эса аҳоли ҳаёти ва мол-мулкига хавф туғдирмоқда. Чунки тўғон қурилгач, сув сатҳи кўтарилади. Бу ҳам етмагандек, ўзлари тарафдаги соҳилни мустаҳкам ҳимоялаб, аҳоли томонга эса сув йўлини очиб қўйишди. Ҳозирда тўғон чети қум билан тўсиб қўйилган. Арзимаган сел қумни ювиб ўтиб еримизни ювиб кетиши мумкин. Ахир, бу кўра-била туриб аҳолига чоҳ қазиш-ку! Ҳозир айнан сел мавсуми, ёмғир ёғса юрак ҳовучлаб ўтирибмиз. Ваколатли идоралардан ушбу муаммони ҳал қилишда ёрдам сўраймиз”.
(Бу хабар STга март куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вилояти: “Авария ҳолатига келиб қолган 50-60 йиллик симёғочлар аҳоли ҳаётига хавф солмоқда”
ОҲАНГАРОН. “Тошкент вилояти Оҳангарон тумани Қизил ой МФЙда 2020 йилда “Обод қишлоқ” дастури бўйича ободонлаштириш корхонаси томонидан ишлар олиб борилди. Аммо Маданият номли кўчада умуман ўзгариш қилинмади. Авария ҳолатига келиб қолган 50-60 йиллик симёғочлар аҳоли ҳаётига хавф солмоқда. Лой кўчалар эса қийинчилик туғдирмоқда. Чала қолган ишлар қачон битказилар экан?”
(Бу хабар STга 25 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ: “Мурожаатимиз ҳал бўлмади, бу кетишда сувсиз қоладиганга ўхшаймиз”
БЎКА. “Тошкент вилояти Бўка тумани Ғ.Азаматов ф/у.дан такрор мурожаат йўлламоқдамиз. Мурожаатимиздан кейин ҳам шифобахш сувимиз масаласи ҳал бўлмади. Мана, 2 ой ўтди ҳамки, сувимиз жуда оз чиқяпти. Бу кетишда ичимлик сувисиз қоламиз шекилли. Туман ҳокимлиги, сув таъминотига мурожаат қила-қила чарчадик. Маҳаллий раҳбарлар ҳамон уйқуда! Сув муаммосини ҳал қилиб беришларини сўраймиз”.
(Бу хабар STга 14 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ вилояти: “Лой кўча, ҳолига вой симёғоч! Чала қолган ишлар қачон охирига етказилади?”
ОҲАНГАРОН. “Тошкент вилояти Оҳангарон тумани Қўрғон қишлоғи 2020 йилда “Обод қишлоқ” дастурига киритилган эди. Лекин нимагадир қишлоғимизнинг кириш қисмида жойлашган Маданият кўчаcи илгари қандай ёмон ҳолда бўлса, шу ҳолда қолиб кетди. Ёғингарчилик мавсумида лой кечамиз, кунлар исиши билан чанг-тўзонга ботамиз.
Электр токини ўтказувчи 50-60 йиллик эски симёғочлар чириб, ҳар томонга қийшайиб ётибди. Юқори ташкилот вакиллари 10 октябргача камчиликларни тўғрилаймиз, деб суратга олиб кетган эди. Мана, декабрь тугамоқда, амалий ишдан дарак йўқ. Чала қолган ишларни ким, қачон охирига етказади?”
(Бу хабар STга 18 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|