Сирдарё вилояти
СИРДАРЁ вил. – “Бузилган уйларимиз ўрнига берилган ҳудудда газ ҳам йўқ, электр ҳам...” (ВИДЕО)
ГУЛИСТОН. “Сирдарё вилояти Гулистон шаҳри 19-квартал 2-ҳудудда яшаймиз. Ушбу янги участкалар марказдаги уйларимиз бузилиши эвазига берилган. Ҳудудимиз “Обод маҳалла” дастурига тушган, аммо белгиланган ишлар тўлиқ қилинмади. Мурожаатларимиздан кейин ички кўчаларимизнинг 60 фоизи таъмирланди. 7 км электр линияси ва 3 трансформатордан ҳали дарак йўқ. Ваҳоланки, шаҳар ҳокими электр тармоқлари раҳбарига 5 августдан иш бошлаш ҳақида топшириқ берган эди. Газ ҳам йўқ. Аҳолини қийнаётган масалалар қисқа муддатда ҳал этилади, деган умиддамиз”.
(Бу хабар STга 12 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Оғзинг қани деса, қулоғини кўрсатишади...” (ВИДЕО)
МИРЗАОБОД. “Мен – Севара Ўрозова, Сирдарё вилояти Мирзаобод тумани Навбаҳор маҳалласи Ҳамид Олимжон кўчасидаги ётоқхонада яшар эдим. Сардоба сув тошқинидан сўнг вилоят ҳокими ўринбосари ётоқхона замонавий таъмирланишини айтиб, бизни Янгиер тиббиёт коллежига кўчирди. Ваъдага ишондик, аммо қайтиб келганимизда ётоқхонамиз қайтарилмади. Хонам қайтарилишини сўраб, туман раҳбарларидан то Олий Мажлисга қадар ариза билан мурожаат қилдим, аммо натижа бўлмади. Менга келган жавобларни ўқиб ҳайрон қолдим, оғзинг қани деса, қулоғини кўрсатишади. Ёлғиз онаман, аммо ёлғиз оналарга белгиланган кўмак берилмаган. Президентимиздан уй-жой масаласи бўйича ялиниб-ёлвориб ёрдам сўрайман”.
(Бу хабар STга 14 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Дипломдаги хатолик сабаб ишга жойлаша олмаяпмиз”
“Гулистон давлат университети битирувчисимиз. Бу йил филология факультети рус тили ва адабиёти йўналишини тамомладик. Дипломимиз чиқди, уни электрон вариантда олдик. Мактабга ишга жойлашгани борсак, директорлар қайтарди. Дипломимизда хатолик бор экан: бакалавр даражасига ўқитувчи деб кўрсатилиб, классификатор номи тўлиқ ёзилмаган. Биз бу ҳақда университет ходимларига айтдик, аммо улар ҳеч қандай хато йўқ деб арзимизни эшитишмаяпти. Олий таълим вазирлигидан ёрдам кутиб қоламиз”.
(Бу хабар STга 12 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СУРХОНДАРЁ: "Сувоқова" қувурлари ёрилгани сабаб уйимизни сув босди" (ВИДЕО)
“Сурхондарё вилояти Термиз шаҳри Юлдуз маҳалласи Аҳмад Дониш кўчаси 23-уйдан мурожаат қиляпмиз. “Сувоқова”нинг қувурлари ёрилиб, уйларимиз балчиқ ва захга тўлди. 3-4 ойдан бери шу аҳвол! Ўз уйимизда яшай олмаяпмиз. Хўш, зарарни ким қоплайди?”
(Бу хабар STга 5 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ТОШКЕНТ ВИЛОЯТИ: "Мактабимиз ачинарли аҳволда" (ФОТО)
ОЛМАЛИҚ. “Тошкент вилояти Олмалиқ шаҳридаги 18-мактаб ўқитувчилари номидан ёзяпмиз. Мактабимиз жуда ачинарли ҳолга келиб қолган. Мактаб директори ва ХТБ бошлиғи ремонт учун 2 йилдан буён пул йиғади, лекин таъмирдан дарак йўқ...”
(Бу хабар STга 5 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Ҳокимият муаммолар ҳал бўлди, деб ёлғон маълумот берди” (ВИДЕО)
“Cирдарё вилояти Оқолтин тумани Сардоба шаҳарчаси Гулчамбар қишлоғидан мурожаат қиляпмиз. Йўл ва газ муаммоси ҳақида март ойида мурожаат қилган эдик. Тегишли ташкилотлар вакиллари ҳал қиламиз, деб ишонтириб кетишди. Аммо шу кунгача бирор ўзгариш бўлмади. Ҳокимият ахборот хизмати муаммолар ҳал бўлди, деб ёлғон маълумот берди. Илтимос, муаммоларни ҳал қилиб беришсин”.
(Бу хабар STга 29 июнь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Аҳоли сувсизликдан қийналмоқда” (ВИДЕО)
МИРЗАОБОД. “Туманимизда аҳолининг эккан экинлари сувсизликдан қуриб қолди. Томорқалар қақшаб, чўл бўлиб ётибди. Президентга уч марта сув муаммоси борасида мурожаат қилдик, лекин натижа бўлмади. Аҳоли жуда қийналяпти. Бу муаммога ечим топиш ўрнига аҳолини ўзини жазолашмоқда. Светларини ўчириб қўяпти. Ҳокимлар кабинетда ўтириши керак эмас. Аҳоли муаммоларини ўрганиши керак”.
Ушбу хабарни Сирдарё вилоятида қарйиб 40 йил ўқитувчилик қилган, ҳозирда нафақадаги Ўзбекистон Халқ таълими аълочиси, айни пайтда ҳуқуқ фаоли 61 яшар Исроил Ризаев 7 июль куни STга йўллади.
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Уй-жой бўйича мурожаатимни инобатга олишларини сўрайман” (ВИДЕО)
САРДОБА. “Мен – Гулпари Абдуллаева, Сирдарё вилояти Сардоба тумани Дўстлик маҳалласидан мурожаат қиляпман. Муҳтарам президентимиз тошқиндан жабр кўрган ҳар бир оила кўмаксиз қолдирилмайди, деган эдилар. Уй-жой бўйича мурожаатимни инобатга олишларини сўрайман”.
(Бу хабар STга 24 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
CИРДАРЁ – ST-таъсир: “Ҳудуд чиқиндидан тозаланди, аҳоли огоҳлантирилди”
ST’да Сирдарё вилояти Оқолтин тумани Андижон МФЙда сунъий чиқиндихона вужудга келгани, бу ҳол аҳоли саломатлиги ва атроф-муҳит тозалигига хавф туғдираётгани, “Тозa ҳудуд” корхонаси эса ўз вазифасини бажармаётгани ҳақида мурожаат чоп этилган эди. Маълум қилинишича, ушбу мурожаат ортидан “Тозa ҳудуд” ДУК ҳамда тегишли ташкилотлар ўрганиш олиб бориб, кўп йиллардан буён аҳоли томонидан белгиланмаган жойга ташлаб келинган чиқинди уюмлари тозаланган. “Шунингдек, аҳоли ўртасида тушунтириш ишлари олиб борилиб, белгиланмаган жойга чиқинди ташлаб атроф-муҳитга зарар етказмасликлари, бунинг учун қонунчиликка мувофиқ жарима қўлланишидан огоҳлантирилди”, дейилади жавоб хатида.
(Бу хабар STга 19 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ вил. – “Тунда ишлаганимиз учун қўшимча ҳақ тўлаш ҳеч кимнинг хаёлига ҳам келмаяпти”
ОҚОЛТИН. “Сирдарё вилояти Оқолтин тумани мактаб педагог раҳбарлари номидан ёзмоқдамиз. Президентимиз фармонига кўра уюшмаган ёшларни бўш вақтини мазмунли ўтказиш мақсадида тунги 18:00 дан 22:00 гача мактаб спорт залида ёшлар учун шароит яратиб, уларнинг спорт билан шуғулланишларига амалий ёрдам бериб келмоқдамиз. Аммо тунги ишлаш вақтимиз учун қўшимча ҳақ тўлаш ҳеч кимнинг хаёлига ҳам келмаяпти.
Меҳнат кодексининг 157-моддаси талаблари қўпол равишда бузилмоқда. Бизнинг ҳам оиламиз, бола-чақамиз бор. Уларга ҳам вақт ажратиб, таълим-тарбияси билан шуғулланайлик.
Муҳтарам президентимиз мажлисбозликни камайтириш ҳақида кўрсатма берган бўлса-да, ҳар куни эрталаб соат 7:00 да мажлис. Ҳафтасига 17:00 дан кейин яна мажлис. Тошкентдан масъуллар келса, коррупцияга доир бошқа далилларни ҳам кўрсатамиз...”
(Бу хабар STга 11 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ вил. – “Шу ердан ўтган оқава сувга чиқинди қўшилиб кетмоқда”
ОҚОЛТИН. “Сирдарё вилояти Оқолтин тумани Андижон МФЙ Фориш, Бибихоним, Сокин кўчаларидан ёзмоқдамиз. Аҳоли яшаш жойига яқин ерда сунъий чиқиндихона бор. “Тозa ҳудуд” корхонаси бирон маротаба тозалаш ишлари олиб бормаган. Шу ердан ўтган оқова сувга чиқинди қўшилиб кетмоқда. Қолаверса, аҳоли нохуш ҳиддан азият чекмоқда. Чиқиндихонани йўқ қилишда амалий ёрдам сўраймиз”.
(Бу хабар STга 11 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Қурилиш тўхтаб қолди. Бузишдан олдин қуришни ўйлашмайдими?
ОҚОЛТИН. “Сирдарё вилояти Оқолтин туманидан мурожаат қиляпмиз. Навоий маҳалласи “Обод қишлоқ” дастурига кириб, ҳамма жой бузилди. Лекин қурилиш тўхтаб қолди. Ҳатто ҳожатхона йўқ. Бузишдан олдин қуришни ўйлашмайдими? Аёллар ҳам ташқарида битта кичкина ҳожатхонага навбатда турибмиз! Уят бўлмайдими?”
(Бу хабар STга 7 май куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Уйларимиз бузилиб, бизни шароити йўқ жойга кўчириб қўйишди" (ВИДЕО)
ГУЛИСТОН: “Сирдарё вилояти Гулистон шаҳри 19-квартал 2-ҳудудда яшаймиз. Шаҳар марказида, яхши шароитда яшар эдик. Уйларимиз бузилиб, бизни шароити йўқ жойга кўчириб қўйишди. 4 йилдан бери газ, сув, йўл муаммо, электр энергияси қуввати паст. Маҳалламиз обод бўлишида ҳурматли президентимиз Шавкат Мирзиёевдан ёрдам сўраймиз”.
(Бу хабар STга 8 апрель куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Уйимиз ёмғир остида қолиб кетган. Туман ва вилоят ҳокимлигига бордик, ёрдам беришмади” (ВИДЕО)
СИРДАРЁ. “Сирдарё тумани Пахтакор маҳалласи Гулистон кўчасидаги 2/4-хонадон ёмғир остида қолиб кетган. Бу масалада туман ва вилоят ҳокимлигига бордик, ёрдам беришмади. Маҳалла раисидан ёрдам сўрасак, жуда қўпол гап қилди...”
(Бу хабар STга 30 март куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ – “Сардоба тошқинида носоз ҳолга келган машинам учун товон пули тўланмаяпти”
САРДОБА. “Мен – Ҳикматулла Боймуродов, Сирдарё вилояти Сардоба тумани Дўстлик маҳалласида яшайман. Сардоба сув тошқинида “Нексия” (давлат рақами D 175 SA) русумли автомобилим сув тагида қолган. Қарийб 10 ойдан буён етказилган зарар қоплаб берилмаяпти. Туман ҳокимлиги, прокуратура, суғурта компанияси, президент порталига ёзма равишда мурожаат қилдим. Ҳокимиятдан судга мурожаат қилишни маслаҳат беришди, аммо судга тўрт фоизлик тўлов қилишиим керак экан. Тўловга пулни қаердан топаман? Ишсизман. Қолаверса, Сардоба тошқинида бор бисотим, ҳовлимиздаги мол-ҳол, парранда ҳамда мевасини сотиб тирикчилик қиладиган дарахтларимиз нобуд бўлган.
Автомобилимни сотиб тирикчилик қилай десам, сувда қолгани учун ярим пулига ҳам сотолмайман. Муҳтарам юртбошимиздан етказилган зарарни ундиришда амалий ёрдам сўрайман”.
(Бу хабар STга 23 март куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ – “Алимент пулини ололмаяпмиз. Икки болам билан қаерга бораман?! ”
ГУЛИСТОН. “Мен – Феруза Қурбонова, Сирдарё вилояти Гулистон шаҳри Тараққиёт маҳалласи Тинчлик кўчаси 1-уй 10-хонадондан ёзмоқдаман. 2015 йилда турмушга чиқиб, икки фарзандли бўлдим. Бу орада эрим Россияда ишлаб, яна бир аёл билан шаръий никоҳдан ўтибди. 2018 йил 1 апрель куни, ҳали мен билан қонуний ажрашмасдан, бизни кўчага ҳайдади. 2018 йил 13 июндан буён суд қарори асосида уйда яшаб келаман. Эрим биз доимий пропискада турган ва яшаётган уйни иккинчи аёлидан туғилган қизи номига ўтказиб берибди. Бу борада биздан рухсат сўрамади. 2020 йил 7 сентябрь куни мен ва фарзандимларим учун бир хонали уй олиб беришга ваъда қилди. Энди эса уй олиб беришга мажбур эмаслигини айтмоқда. Биз доимий пропискада турган уйни эса сотиб юбормоқчи. Бунинг устига, алимент пулини ҳам тўламаяпти. Ҳеч қандай даромадим йўқ. Фақат маҳалла ажратган моддий ёрдам – 376 минг сўмга кун кечиряпмиз. Шароитимиз оғир, ҳозир ҳам болаларим билан шифохонадамиз. Эримнинг шаръий никоҳдаги хотини эса “уйни сотаман, кўчада қоласан” дея таҳдид қиляпти. Ҳокимият ва маҳалладан ёрдам сўрадим. Маҳалладагилар “бир ойга 376 минг сўм етади” дейишди. Совуқ кунда уйдан чиқаришмоқчи. Икки болам билан қаерга бораман?! Фарзандларим тинчлиги ва таъминоти учун ёрдам сўрайман”.
(Бу хабар STга 29 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Уй масаласида 17 марта йиғилиш қилинди, аммо амалий ишдан дарак йўқ”
ОҚОЛТИН. “Сирдарё вилояти Оқолтин туманидан мурожаат йўлламоқдамиз. Сардоба тошқинида уйимиз зарар кўрди, молимиз оқиб кетди. Ҳозирда квартирада кун кечиряпмиз. Биз учун қурилган уйлар эса тошқин етиб бормаган ҳудуд вакилларига берилган. Туман ҳокими уй берамиз деб одамларни чақирди. Лекин ҳеч қандай натижа йўқ. 17 марта йиғилиш қилишди, аммо қуруқ ваъда беришади, холос. Бу гал ҳам одамлар совуқда кутди, ҳоким эса ичкарида бор-йўғи 10 киши билан учрашиб, мактаб орқа эшигидан чиқиб кетибди”.
(Бу хабар STга 4 январь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: Оқолтиндан мактуб - "Уйимиз ҳалигача битгани йўқ, ноилож масжидда яшаб юрибмиз”
ОҚОЛТИН. “Мен, Нилуфар Каримжонова, Сирдарё вилояти Оқолтин туманидан мурожаат қиляпман. Сардоба сув тошқинида талафот кўрганларданмиз. 20 та хўжаликнинг уйи ҳалигача битгани йўқ. Ноилож масжидда яшаб юрибмиз. Ногирон болам бор, боқувчим йўқ. На бола пули, на ногирон боламга пенсия олмадим. Қандай яшаяпман, очманми, тўқманми – ҳол сўрашмаяпти. Ушбу арзим президентимизга етиб бориши ва бизга ёрдам беришларини хоҳлаймиз”.
(Бу хабар STга 26 октябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ: “Сардоба тумани ҳокими мутахассисларни 24 соат навбатчиликка мажбурламоқда”
САРДОБА. “Сирдарё вилояти Сардоба туманидан ёзмоқдамиз. Туман ҳокими меҳнат қонунчилигини қўпол равишда бузиб, туман ҳокимлиги мутахассисларини ўз қабулхонасида 24 соат навбатчиликка мажбурламоқда. Қабулхонада на ётоқ жой бор, на ош-овқат. Эрталабгача столда ўтириб чиқишга мажбурмиз. Навбатчиликдан туриб, эртаси куни дам олишсиз ўз ишимизни уйқусираб қиламиз...”
(Бу хабар STга 8 октябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ – “Муҳофаза зонасида, темирйўл осма кўприги тагида кўп қаватли бино қурилмоқда”
“Сирдарё шаҳри Гулистон тор кўчасидаги темирйўл осма кўприги тагида икки-уч қаватли бино қурилмоқда. Ҳолбуки, ушбу ҳудуд қизил чизиқда жойлашган. Бундан ташқари, бино Гулистон тор кўчасига кириб чиқиш йўлини эгаллаган, тез ёрдам ва ўт ўчириш машиналари ҳаракатига халал беради. Муҳофаза зонада бино қуриш ҳолати бўйича тегишли чора кўрилишини сўраймиз”.
(Бу хабар STга 30 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ОзодТаъсир: “Фермерларга шартномада кўрсатилган аванс пули тўлиқ тушириб берилди”
Сирдарё вилоят, Оқ олтин туманида фаолият олиб бораётган “АРK OQOLTIN” кластер корхонаси фермерларга шартномада кўрсатилган бўнак(аванс) пулини тўлиқ тушириб берди.
Озодлик бу ҳақда 25 август куни эълон қилган мақолада фермерлар кластер бўнак пулини бермаётгани сабаб чорва ва техникасини сотиб, пулини ғўза парваришига сарфлашга мажбур бўлаётгани ҳақида гапирган эди.
1 сентябрь куни озодлик билан боғланган оқолтинлик фермерлардан бири кластер 29 августдан бошлаб бўнак пулини тушира бошлаганини билдирди.
“Ҳамма фермерга пул тўлиқ тушди. Эртага банк очилса, ишчиларимизга иш ҳақи берамиз. Соляркани олиб дефолиацияни бошладик. Юз фоиз техникаларимиз дефолиацияда ишлаяпти, дориларни беришяпти. Фермерлар Озодликка раҳмат айтишяпти, борларингга шукур!”
(Бу хабар STга 31 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
CИРДАРЁ – “Отам ва укаларим 10 йил меҳнат қилиб қурган уй тошқинда вайрон бўлди...” (ВИДЕО)
ОҚОЛТИН. “Мен – Маҳлиё Ҳайдарова, Сирдарё вилояти Оқолтин туманидан мурожаат қиляпман. Ёлғиз онаман, 1 нафар чақалоғим бор. Сардоба сув омбори тошқинидан талафот кўрдим. Мен ва ўғлимга яқинларим қуриб берган уй бутунлай йўқ бўлди. Боламнинг битта кийимини ҳам ололмадим. Бу уйни қуриш учун отам ва укаларим 10 йил меҳнат қилишди.Бошпанасиз қолдим. Маҳалламизга раисига янги қурилаётган“дом”лардан беринг деб мурожаат қилдим, аризамни ҳам қабул қилмади. Ҳокимият ва маҳалла эшигида 9 ойлик боламни кўтариб сарғайиб туришдан чарчадим. Муҳтарам президентимизнинг “Ҳеч бир хонадон, ҳеч бир одам эътиборимиздан четда қолмайди” деган сўзларига риояқилишмаяпти. Янги қурилаётган уйлардан беришларини сўрайман”.
(Бу хабар STга 19 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ – “Маҳаллага арзон ун келди. Унга муҳтож аҳоли машина орқасидан югурди...” (ВИДЕО)
ГУЛИСТОН. “Сирдарё вилояти Гулистон тумани Деҳқонобод шаҳарчаси Аҳиллик маҳалласида вазият. Маҳаллага арзон нархда ун олиб келинган. Унга муҳтож зор қолган аҳоли машина орқасидан югуряпти. Шундай шароитда ҳам маҳалла ишчилари унни таниш-билишчилик қилиб беряпти. Илтимос, унни кўпроқ етказиб беришсин, маҳсулот тақсимотида таниш-билишчилик бўлмасин”.
(Бу хабар STга 10 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ вил. – “Сардобада жабр кўрган кекса ва ногирон онамга кўмак берилмаяпти” (ВИДЕО)
САРДОБА. “Сирдарё вилояти Сардоба тумани Дўстлик маҳалласидан мурожаат қиляпман. 1 май кунги сув омбори фалокатида онамнинг уйи ҳам талафот кўрди. Онам 73 ёшда. Ногирон. Сардобада жабр кўрганларга президентимиз ажратган 40 миллион сўм пул ва маиший техника сертификати онамга берилмади. Югура-югура чарчадик. Қаерга ёзсак ҳам, мурожаатимиз маҳаллага қайтиб келяпти. Муҳтарам Шавкат Миромонович, илтимос бизга ёрдам беринг!”
(Бу хабар STга 6 август куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
СИРДАРЁ – “Икки ойдан буён қишлоғимиз ҳудудига бир томчи ҳам сув кирмади” (ВИДЕО)
БОЁВУТ. “Сирдарё вилояти Боёвут тумани Муқимий махалласидан мурожаат йўлламоқдамиз. 1-Боёвут СИУ Муқимий маҳалласи Мўминобод бўлимида 1000 дан ортиқ аҳоли истиқомат қилади. Ҳозирда аҳолини қийнаётган энг катта муаммо бу – сув масаласидир. 2020 йилнинг ўтган даври мобайнида томорқа экинларимизни суғориш учун бор-йўғи икки маротаба сув берилди. Ўшанда ҳам қишлоғимиздаги фермерлар суғорганда жанжаллашиб сув олдик. Бунга хам икки ой бўлди. Икки ойдан буён қишлоғимиз ҳудудига бир томчи ҳам сув кирмади. Бу ҳақда маҳалла раиси ва СИУ раисига қилинган мурожаатлар бесамар кетди.
Биздан юқорида жойлашган “Бобоумурзоқов” ва ”Мустақиллик” бўлимларида сув танқислиги умуман билинмайди, аксинча ўша қишлоқларда сув сероблиги учун ғалладан бўшаган гектарлаб майдонларга шоли экилган. Наҳотки, туман масъуллари такрорий экинларни жойлаштиришда ҳудудлар кесимида сув тақсимланишини инобатга олмаса? Биз такрорий экинга қарши эмасмиз, лекин юқоридаги қишлоқларда пахтадан ташқари 300-400 гектар ерлар суғорилаётган бир пайтда бизнинг аҳоли 5-6 сотих ерини суғора олмаяпти, ҳатто чорва моллари ичишига сув йўқ. Ахир, биз ҳам ер, мулк солиғи учун 300-400 миллион сўм тўлаяпмиз-ку!
Юртбошимиз Шавкат Миромоновичнинг томорқадан унумли фойдаланиш бўйича чиқарган қарор ва фармонларини бажаришни биз ҳам астойдил хоҳлардик. Чунки ҳозирги пандемия шароитида уйда қолиб томорқада экин етиштириб, чорва боқиб ўз бандлигимизни таъминлашни истаймиз. Биз иш ёки кредит сўрамаяпмиз. Фақатгина сув адолатли тақсимланишини хоҳлаймиз. Ушбу масалани вилоятимиз ҳокими Ғофуржон Ғаниевич ўз назоратига олиб ижобий ҳал этиб беришини илтимос қиламиз”.
(Бу хабар STга 30 июль куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
Шарҳларни кўринг
Тайёр аккаунтингиз борми? Кириш
Қайддан ўтмаганмисиз? Рўйхатдан ўтиш
Бошқа шарҳлар