Линклар

logo-print logo-print
Ozodlik foydalanuvchilaridan olingan xabarlar
Шошилинч хабар
25 апрел 2019, Тошкент вақти: 12:01

Наманган вилояти

НАМАНГАН – “Намунавий уй битиши 3 йилга кечикмоқда”

ПОП. “Мен – Олия Юнусова, Наманган вилояти Поп туман Олтинкон шаҳарчасидан ёзмоқдаман. “Сиздан Телеграм”да мактубим чоп этилган эди, аммо муаммо ҳал этилмади, шу боис қайта мурожаат йўлламоқдаман.

2016 йили Чодак қишлоғида намунавий уй-жой қурила бошлади. Мен ҳам ушбу намунавий уйдан кредит асосида олгандим. Шартномага кўра 1 йилда битиришлари керак эди. Лекин 3 йил бўляпти, уй ҳали ҳам тайёр эмас. Бошида 53 млн сўм тўлаганман. Ҳозиргача ҳар ойда иш ҳақимдан 800 минг сўм ўтказиб келяпман. Ушбу коттеж муаммоси бир неча маротаба телевизорда ҳам кўрсатилди, лекин натижа йўқ. Юқорига ёзганларникини битириб беришяпти, бизники эса ҳалигача битмади. Президент халқ манфаати йўлида хизмат қилишни талаб қилаётган бир пайтда тумандаги айрим раҳбарлар оддий халқ дарди билан умуман қизиқмаяпти”.

(Бу хабар Озодликка 18 апрель куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Ҳокимият 300 йиллик масжидни қайта очишга тўсқинлик қилмоқда”

НАМАНГАН. “Наманган шаҳридан ёзмоқдамиз. 300 йиллик тарихга эга “Донобой” масжиди 1992 йил 25 март куни адлия идорасидан қонуний рўйхатдан ўтган, лекин 1998 йил ноябрда суд қарорисиз беркитиб қўйилган эди. Вазирлар Маҳкамасининг 31.05.2018 йилдаги 409-сонли қарорига мувофиқ масжидни қайта очиш учун ҳужжат йиғилмоқда эди. Лекин Наманган шаҳар ҳокимлиги уни қайта очишга тўсқинлик қилмоқда. “Илғор”, “Амир Темур”, “Баҳор” каби аҳоли зич маҳаллаларда масжид йўқ. Қўшни маҳалладаги масжид эса жуда кичкина, одамлар кўчада намоз ўқишга мажбур бўлмоқда. Раҳбарлар кўп сонли мусулмонлар талабини инобатга олиб уч асрлик масжидни қайта очишга рухсат берсин”.

(Бу хабар Озодликка 17 апрель куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Ўқитувчиларга байрам ва дам олиш кунлари тунги навбатчилик учун қўшимча ҳақ берилмаяпти”

УЧҚЎРҒОН. “Наманган вилояти Учқўрғон туман олимпия ва миллий спорт турлари бўйича давлат ихтисослаштирилган мактаб-интернатидан ёзмоқдамиз. Бизда эшик олдида навбатчилик йил-ўн икки ой 24 соатлик ташкил қилинган. Кундузи аёл ходимлар, тунда эса эркак ўқитувчи ва тарбиячилар навбатчиликда туради. Қонунчиликка кўра¸ тунда ёки байрам ва дам олиш кунларида навбатчиликда турган ва ишлаган ходимга иш ҳақи ёзилиши керак. Аммо ҳозирга қадар бирорта ходимга ҳақ ёзилмаган. Ҳақини талаб қилганларни ишдан бўшатишади.

Аслида, навбатчиликнинг умуман кераги йўқ. Мактабда қоровул бор, ахир. Бундан ташқари, ўқувчиларга қарайдиган иккитадан тунги энага бор. Навбатчи ухламай постда ўтириши керак. Ўқитувчи боёқиш эртаси куни тонгдан яна дарсга кириши керак. Ухламай чиққан ўқитувчи қандай дарс беради?!”

(Бу хабар Озодликка 11 апрель куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Вилоят раҳбарлари президентнинг гапини рўкач қилиб, бинойидек бозорни бузмоқда”

ЧОРТОҚ. “Наманган вилояти Чортоқ деҳқон бозори тадбиркорлари номидан мактуб йўлламоқдамиз. Бизни туман ҳокими қарори билан хусусий бозорга ҳайдашмоқда. Ҳолбуки, деҳқон бозори шароити яхши. Қолаверса, бу ерда ишлаб кўплаб мижоз ҳам орттирганмиз. Бизни мажбуран кўчирмасликларини сўраб, Чортоқ тумани ҳокимига мурожаат қилдик. Лекин ижобий жавоб олмадик.

Яқинда вилоят ҳокими келиб, тадбиркорларга “Шайтоннинг инидан чиқинглар. Шунча фойда қилганингиз етар, энди бозор бузилади”, деди. Бозорни “шайтоннинг ини”, деб атаган ҳоким тадбиркорларнинг хусусий мулки нима бўлади деган масалада тайинли жавоб бермади.

Бозорда 100 дан ортиқ дўконнинг кадастр ҳужжати бор. Кадастр ҳужжати йўқлар 200 га боради. Раҳбарлар ҳужжати бор дўконларни ҳам товон пулисиз, бузиб ташламоқчи. Бунинг учун қонуний асос ҳам йўқ. Раҳбарлар фақат президентнинг “Чортоқни экошаҳар қиламиз”, деган гапини рўкач қилмоқда. Президент шундай деган бўлса дегандир, аммо у “Ишлаб турган бозорни бузиб ташла, оиласини боқаётган юзлаб тадбиркорларни қон қақшат!” деб кўрсатма бермагандир.

Бозор кўчирилса, минглаб одам ишсиз қолади. Аслида, туманнинг асосий аҳолиси бозордан тирикчилик қилади. Мустақил бўлганимиздан буён, кейинги 25 йилда туманда тайинли иш ўрни яратилмади. Аксинча, ишлаб турган пахта заводи, нефть базаси бошқа туманларга бериб юборилди.

Республика раҳбарлари Чортоқдаги қонунсизликка эътибор қаратади, деган умиддамиз”.

(Бу хабар Озодликка 2 апрель куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Ҳокимият бирор огоҳлантиришсиз янги таъмирланган ошхона ва дўконларимизни буздирмоқда”

НОРИН. “Наманган вилояти Норин тумани деҳқон бозорида фаолият юритаётган умумий овқатланиш ошхоналари эгалари ҳамда шу ошхоналар қаторида фаолият юритаётган тадбиркорлар номидан мактуб йўлламоқдамиз. “Сиздан Телеграм”да Норин тумани буюм бозори тадбиркорлари мурожаати чиққач, комиссия келиб бозорни ўрганди. Комиссия “бозор талабга жавоб беради” деган хулосага келди ва у бузилмай қолдирилди. Биз ҳам мурожаатимиз ижобий ҳал этилади деган умиддамиз.

Айни пайтда бизнинг бозоримиз қайта қурилмоқда. Туман ҳокими ҳеч қандай огоҳлантириш хатисиз янги таъмирдан чиққан ошхона ва дўконларни бир кун ичида бузинглар деб буйруқ берди. Аслида, Тошкентдан келган масъуллар қурилиш кетаётган объектни тўсиб, савдо ва хизмат кўрсатишга халал бермаслик борасида топшириқ берган эди. Аммо туман раҳбарлари бу талабни бажармаяпти.

Деҳқонлар савдо қиладиган янги қурилган чиройли пештахталар бузиб ташланди. Энди навбат бизнинг ошхона ва дўконларга!

Ҳолбуки, биз давлатга ўз вақтида солиқ тўламоқдамиз. Тумандаги ишсиз ёшларни иш билан таъминлаганмиз. Қолаверса, бизга тегишли ошхоналар15 метр ичкарида жойлашган бўлиб, умумий қурилишга халал бермайди.

Бозорни қайта бузиб сотишдан катта даромад кўзлашмоқда шекилли. Бозорнинг чап томонида вилоятимиз рахбарларидан бири 30 га яқин дўкон қуриб битказди. Аммо 50 миллион сўмдан ошиқ дўконларни икки йилдан бери сота олмаяпти.

Бузилиш борасида бизни огоҳлантиришмади. Йил бошида давлатдан катта миқдорда кредит олганмиз, контракт асосида ўқиётган фарзандларимиз бор. Энди нима қиламиз? Тайёр ошхоналаримиз бузилиб, кўчада қоламизми? Дардимизни ким тинглайди?”

(Бу хабар Озодликка 6 апрель куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Намунавий уйнинг битиши 3 йилга кечикмоқда”

ПОП. “Мен – Олия Юнусова, Наманган вилояти Поп туман Олтинкон шаҳарчасидан ёзмоқдаман. Беваман. 2016 йилда Чодак қишлоғида қурила бошлаган намунавий уй-жойдан кредит асосида олдим.

Шартнома бўйича 1 йилда битирамиз деб ваъда қилишган. Лекин 3 йил ўтди ҳамки, уй тайёр эмас. Бошида 53 млн сўм тўлаганман. Ҳозирга қадар ҳар ойда иш ҳақимдан 800 минг сўмдан ўтказиб келяпман.

Ушбу муаммо бир неча маротаба телевизорда ҳам кўрсатилди, лекин натижа йўқ. Тумандаги айрим раҳбарлар халқ дарди билан умуман қизиқмаяпти. Мутасаддилар шартнома талабига кўра уйни зудлик билан топширсин”.

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди.

******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Мутасаддилар касалликлар кони бўлган ерда боғча очмоқчи!”

УЙЧИ. “Наманган вилояти Уйчи тумани Чуртук МФЙдан ёзмоқдамиз. Маҳаллада 1935 йилдан бери фаолият юритиб келаётган шифохона бор. Шифохонанинг бир қисмида мактабгача таълим муассасаси очишмоқчи. Бу ҳақда ҳоким қарори ҳам чиққан. Касалликлар макони бўлган шифохонада боғча очиш мумкинми?! Туман СЭС идораси бу ерда боғча очиб бўлмайди, деб хулоса берган. Аммо бунга эътибор берилмаяпти. Биз фарзандларимиз бирор юқумли касалликка чалинишини истамаймиз. Маҳалламизда боғчага талаб катта. Биз – ота-оналар тоза ва озода ерда, муносиб шароиятда янги боғча қуриб беришларини сўраймиз”.

(Бу хабар Озодликка 23 март куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Қишлоғимиздаги шарт-шароит келажаги буюк давлатимизга ҳечам ярашмайди”

ПОП. “Наманган вилоят, Поп туман, Бешсори қишлоғидан ёзмоқдамиз. Қишлоғимиз четидан ўтган канал ачинарли аҳволда. Кавланмаганига анча йиллар бўлиб кетди. Энг ёмони, шўр босиб кетган. Шу сабаб уйлар ҳам нураб кетяпти, шўр босган ерга ҳам экин экиб бўлмаяпти. Қишлоғимизда биттагина дўкон бор. Бошқа дўкон ҳам, дорихона ҳам, тиббий кўрик жойи ҳам, боғча ҳам, масжид ҳам йўқ.

Аҳолини неча йиллардан бери сув билан таъминлаб келаётган артезиан СССР даврида қурилган, ҳозир зўр-базўр ишлаб турибди, сув етказа олмаяпти. Ерости қувурлари эса занглаб ёрилиб кетган.

Қишлоғимизни кесиб ўтган йўл ҳам жуда-жуда ачинарли аҳволда.

Дарвоқе, негадир охирги йилларда бизнинг қишлоққа арзонлаштирилган ун ва ёғ олиб келишмаяти.

Бешсори аҳли ҳунармандчилик, яъни қамиш ўриб, тўқиб тирикчилик қилади. Тирикчиликдан ортиб бу муаммоларни ҳал қилишга қурбимиз етмайди.

Хуллас, қишлоғимиздаги шарт-шароит келажаги буюк давлатимизга ҳечам ярашмайди. Мутасаддилар муаммоларимизни ҳал қилиб беради, деган умиддамиз.”

(Бу хабар Озодликка 7 март куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Ҳокимият кўркам ҳолатга келтирилган бозорни бузиб ташламоқда”

НОРИН. “Наманган вилояти Норин туманидан ёзмоқдамиз. Буюм бозорида савдо қиламиз. Шу йилнинг 23 февралидан бозорда фаолият олиб бораётган 72 та тадбиркорнинг тинчи йўқолди. Сабаби, туман ҳокимлиги биз савдо қилаётган дўконларни бузмоқчи. Бозорни янгидан қуриб, дўконларни яна бошқатдан пуллашмоқчи. Ҳолбуки, биз дўконларимизни ўтган йиллар мобайнида замон талабига жавоб берадиган даражада таъмирладик. Оғзимиз энди ошга етай деганда, баридан маҳрум қилишмоқда. Туман ҳокимлигига бир неча марта мурожаат қилдик, ҳоким “дўконлар президент фармонига асосан бузилaяпти”, деди.

Ободонлаштираман деса, таъмирталаб жойлар жуда кўп. Аммо кўркам ҳолатдаги бозорни бузишдан нима наф?! Туманимизда ишлаб чиқариш корхоналари йўқ ҳисоби. Ҳокимият ҳадеб бозорни бузиб, қайта қурмасдан корхона ва заводлар очсин!

Тадбиркорлар қишки мавсумдан амал-тақал қилиб чиқдик. Солиқлар, ижара пулидан ташқари кредитларимиз ҳам бор. Биз қайси бирига етказайлик?! Дўконларимиз бузилса, уларни яна қайта сотиб олишга пулимиз йўқ, ахир!

Тадбиркорлар саросимага тушиб қолган.Бизни тинглайдиган масъул йўқ. Бир нима десангиз, президент фармонини рўкач қилиб оғиз очиришмайди. Ахир, президентимиз “ишлаб турган дўконларни бузиб, халқни қақшат!” демагандир”.

(Бу хабар Озодликка 6 март куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Президент келади дея дала четига шошилинч равишда тўсиқлар ўрнатилмоқда” (ВИДЕО)

НАМАНГАН – “Президент келади дея дала четига шошилинч равишда тўсиқлар ўрнатилмоқда”
Илтимос кутинг

Айни дамда медиа-манба мавжуд эмас

0:00 0:02:39 0:00

ПОП. “Мен – “Иброҳим–Маъмура” фермер хўжалиги раҳбари, Наманган вилоят, Поп туманидан ёзмоқдаман. Ўзбекистонда ҳашар ўтказишнинг махсус тартиб-қоидалари мавжуд. Лекин Поп туманида ана шу тартиб бузилмоқда. Аввало, ҳашар ихтиёрий ўтказилиши керак. Қолаверса, автомобиль йўллари, ҳаракатланиш тиғиз бўлган кўчалар, сув объектлари, қирғоқбўйи ҳудудлари, қурилиш майдонлари, иншоотлар томлари, хавфли ишлаб чиқариш объектлари ҳамда инсонлар ҳаётига хавф юзага келиши мумкин бўлган бошқа жойларда ҳашар ўтказиш тақиқланади. Поп туман ҳокими эса тумандаги сув хўжалиги, мелиорация ва ШФК ташкилотлари ходимларини серқатнов, тезлик 80 км гача бўлган катта трассада – А373 Тошкент–Наманган халқаро автомобиль йўли бўйида ишлатмоқда.

Фермер хўжалигимга тегишли буғдойзорлар четига – йўл бўйига мен йўқлигимда тахтадан панно, тўсиқлар ўрнатишибди. Айтишларича, президентимиз шу йўлдан ўтар экан. Мен ўз даламга бориб ишлай олмаяпман. Ғалламга минерал ўғит солишим керак, ахир! Аввал ёзганимдек, ўтган йили ҳокимнинг акаси пахта даламни суғоришимга тўсқинлик қилган эди. Бу йил эса ҳокимнинг ўзи ишлашимга имкон бермаяпти.

Нега президентимизни алдашади? Ахир, давлатимиз раҳбари кўзбўямачилик, ёлғонни бас қилинглар демоқда-ку!”

(Бу хабар Озодликка 25 февраль куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Кўп қаватли уйлар аҳолиси сув муаммосидан қийналиб кетди”

НАМАНГАН. “Наманган шаҳри, 4-микрайондан ёзмоқдамиз. Кўп қаватли уйлар аҳолисини анчадан буён сув муаммоси қийнаб келади. Сувни машинада 4-5 кунлаб кечикиб олиб келишади. Нега сув йўқ, деб сўрасак, канал лойқа, деб жавоб беришади. Бунинг устига газ ва электр ҳам муаммо! Мутасадди идораларга эса қўнғироқ қилиб тушиб бўлмайди”.

(Бу хабар Озодликка 24 февраль куни келган.)​

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Актёр Бурак Ўзчивитга тортиқ қилинган пулнинг ўндан бирини оддий халққа беришса эди!”

ПОП. “Наманган вилоят, Поп туман, Ором ва Санг ҳудудларидан ёзмоқдамиз. Оддий халқ ундан қийналмоқда. Бу ёқда эса турк актёрига зиёфатда бир неча соат ўтириб бергани учун қарийб 400 минг доллар пул тўланмоқда! Камига, қизларимиз актёрнинг орқасидан кучук боласидек югуриб, ҳаммани шарманда қилгани-чи!

Турк актёрига берилган пулнинг ўндан бирини халққа беришса эди! Халқ эҳтиёжига келганда пул йўқ! Ажнабий актёрни эса пулга кўмиб ташлашга тайёрмиз! Афсус, минг афсус…”

(Бу хабар Озодликка 19 февраль куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

НАМАНГАН – “Оромгоҳ даҳаси аҳлининг оромини ўғирлаган муаммо”

НАМАНГАН. “Наманган шаҳри, Оромгоҳ даҳасидан ёзмоқдамиз. Автобусларнинг сўнгги бекати жойлашган кўчадан юриб бўлмайди. Айниқса, ёғингарчилик кунлари ҳамма лойга беланади. Кўчанинг бир томонида стадион, бир томонида пахта цехи бор. Лекин улар ҳам кўчага қарамайди. Йўл ахлатга тўлган, юқумли касалликлар тарқалмаса эди деган хавотирдамиз. Оромгоҳ аҳлининг оромини ўғирлаган муаммо юзасидан турли идораларга арз қилдик. Шаҳар ҳокими эса йўлни асфальтлаймиз деб ваъда бериб кетганча, шу билан қорасини кўрсатмади...”

(Бу хабар Озодликка 5 февраль куни келган.)

​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************

Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************

Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​

ST вилоятларда

XS
SM
MD
LG