Фарғона вилояти
ФАРҒОНА вил. – “Биржада янги селитра нархи – 2500 сўм. Кластер эса ўтган йилги ўғитни 3100 сўмдан сотяпти” (ВИДЕО)
ЁЗЁВОН. “Фарғона вилояти Ёзёвон туманидан мурожаат қиляпмиз. Ҳудудимиздаги кластер фермерларга ихтиёрий-мажбурий равишда талабга тўлиқ жавоб бермайдиган минерал ўғит сотмоқда. Ўтган йилги селитранинг килоси 3100 сўмдан сотилмоқда. Ҳолбуки, биржада янги селитра нархи – 2500 сўм. Фермерлар бундан норози. Яна, учта туманга маҳсулот ўтказаётган кластер нуфузли арбобларнинг одамиман деб даъво қилади. Фермерларнинг сўровини инобатга олишларини сўраймиз”.
(Бу хабар STга 13 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Ёғингарчиликда кўчамизда пиёда юриб бўлмайди, машиналар ҳам ботиб қолади” (ВИДЕО)
МАРҒИЛОН. “Фарғона вилояти Марғилон шаҳри Хожа Порсо МФЙ Завқий кўчасидан мурожаат қиляпмиз. Кўчамизда пиёда юриб бўлмайди, ёғингарчиликда сув ўтказмайдиган этик кийиб юриш керак! Машиналар ҳам ботиб қоляпти. Яқинда “Зил” машинаси ботиб қолиб, кран келиб тортиб чиқарди. Йўл нобоплигидан кўчамизга такси кирмаяпти. Бу ҳолат аҳолига ноқулайлик туғдирмоқда. Ҳолатга эътибор қаратишларини сўраймиз”.
(Бу хабар STга 13 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Маҳалламизда йиғилиб қолган чиқинди масаласи қачон ҳал этилар экан?” (ВИДЕО)
ҚЎҚОН. “Фарғона вилояти Қўқон шаҳри Турон кўчаси 18-умумий ҳовлида инвестор томонидан тўплаб қўйилган ахлат қачон бартараф этилар экан? Шу ерда яшовчи фуқаро чиқиндини олиш масаласини кўтарганди, уни ёлғончига чиқаришди. Ҳолбуки, манзара ҳали ҳам ўзгаргани йўқ.
Яқинда Президентимиз Шавкат Мирзиёев раислигида чиқинди билан ишлаш тизимини такомиллаштириш ва ҳудудлардаги экологик ҳолатни яхшилаш бўйича 2022 йилдаги устувор вазифалар юзасидан видеоселектор йиғилиши ўтказилди. Президентимиз маҳаллада, кўча-кўйда чиқинди ташлаган кишини кўрганда, “бу ишингиз нотўғри бўлди” дейдиган муҳитни шакллантиришимиз, одамларимизни шундай маданиятга ўргатишимиз кераклигини таъкидлади. Аммо баъзида атроф-муҳит тозалигига эътиборсизлик учрамоқда. Барчамиз тозаликка эътиборли бўлишимиз керак”.
(Бу хабар STга 3 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Сувсозларга ҳайронсиз: ё ўзи қилмайди, ё бизга рухсат бермайди”
ЎЗБЕКИСТОН тум. “Фарғона вилояти Ўзбекистон тумани Дастурхончи қишлоғида 1300 дан ортиқ аҳоли яшайди. Қишлоқда бир суткада икки соат сув берилади. Ҳар бир хонадонга сув қувури тортилган бўлса майли эди, кўча бўйлаб ҳар 80-100 метрга битта жўмрак чиқариб қўйилган. Тепадаги маҳаллаларга сув умуман чиқмайди. Аҳолининг чорваси ҳам шу сувга қараб қолган. Сув келганда гоҳида тўполон бўлиб кетади, олгани – икки пақир олиб қолади, олмагани – йўқ. Аҳоли сув масаласида қийналгач, қишлоқ оқсоқоли туман сув идорасига неча марта бориб арз қилди, лекин натижа бўлмади. Оқсоқолимиз бир хусусий ташкилот топиб, ҳар хўжаликдан бир миллион сўмдан йиғиш эвазига ҳовлиларга тортиб беришга келишган эди. Оқсоқол сув идорасига бориб, биз шундай қилмоқчимиз деса, йўқ мумкин эмас, дебди. Ё ўзлари сув чиқариб етказиб бермайди, ёки муаммони ўзимиз ҳал қилишимизга рухсат бермайди. Сув идорасидан Президентимиз талаб қилаётганидек, халқни рози қилиш чорасини кўришларини сўраймиз”.
(Бу хабар STга 2 февраль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Йўлчизиқлар ўчиб кетган, туманли об-ҳавода ҳаракатланиш қийин бўляпти” (ВИДЕО)
ОЛТИАРИҚ. “Фарғона вилояти Олтиариқ туманидан мурожаат қиляпмиз. Йўлларимизда чизиқлар умуман ўчиб кетган. Ҳолбуки, ҳайдовчилар ҳозирдек туманли об-ҳавода чизиққа қараб мўлжал олади. Шу кунларда вилоят бўйича ЙПХ рейдлар ўтказяпти. Майли, жаримани ундиришсин. Лекин йўлчизиқларни ҳам чизиб қўйишсин. Ахир, мақсад йўл ҳаракати хавфсизлигини таъминлаш-ку...”
(Бу хабар STга 21 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Кредитга арзонроқ “Матиз” берилса ҳам майли, ишлаб қарзни узамиз...” (ВИДЕО)
ҚЎҚОН. “Фарғона вилояти Қўқон шаҳридан мурожаат йўлламоқдаман. Ёшим 34 да. 7 йил Россияда ишлаб келиб, уй қурдик, тўй қилдик, аммо машинага пул орттира олмадик. Яна бир-икки йил ишлаб келай десам, кекса онам рухсат бермаяптилар. Бунинг устига, мусофирчилик ишлаш ҳам осон эмас.
Касбимиз ҳайдовчилик. Акам ҳам, мен ҳам кўп йиллик тажрибага эга ҳайдовчилармиз. Шу кунларда битта машинани ижарага олиб алмашиб ишлаяпмиз. Кредит билан машина олмоқчи эдик, банклар кредитни фақат доимий иш ва маошга эга фуқароларга берар экан. Кредитга арзонроқ “Матиз” берилса ҳам майли, ишлаб қарзни узишга тайёрмиз. Шу масалада ҳурматли Президентимиз Шавкат Мирзиёевдан кўмак сўраймиз”.
(Бу хабар STга 11 декабрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Алимент вақтида берилмаяпти. Ҳолбуки, 3 фарзандим учун пул зарур...” (ВИДЕО)
“Мен – Дилдора Арабова, Фарғона вилояти Қува туманидан мурожаат қиляпман. 3 фарзандим учун болаларимнинг отаси Азизбек Арабовдан алимент ундирилиши белгиланган. Аммо алимент вақтида тўланмаяпти. Шу масалада Тошлоқ тумани МИБга бориб, “Алиментдан қарз кўпайиб кетди, ундириб беринглар” десам, “Номида ҳеч нарса бўлмаса, ундириб беролмаймиз” дейишди. Бошқа шаҳар-туманларда ундириб беришяпти-ку. Фарзандларим учун алимент пули жуда зарур. Мутасаддилардан амалий кўмак сўрайман”.
(Бу хабар STга 23 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Илтимос, газ тўлдириш шохобчалари иш вақти узайтирилсин” (ВИДЕО)
ЯЙПАН. “Фарғона вилояти Яйпан шаҳри Қумқишлоқ маҳалласидан мурожаат йўллаяпмиз. Газ тўлдириш шохобчаларида иш вақти чекланди. Фарғона вилоятида чекланиш вақти соат 20-00 дан 23-00 гача бўлади, дейилган эди. Аммо заправкалар соат 18-00 дан 6-00 гача ёпиляпти. Тунги соат 2-3 ларда бориб навбатда турибмиз. Илтимос, газ тўлдириш шохобчалари иш вақти узайтирилсин, ҳайдовчилар тунда заправкада қоровуллик қилмайлик”.
(Бу хабар STга 21 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Бозор маъмурияти шароит яратиб берса бўлади-ку...”
“Фарғона вилоятидаги Қумтепа бозори – “Файз” савдо мажмуасидан ёзмоқдамиз. Бозоримизнинг сувхонасида 60 одам зиёд фуқаро велосипед сотиб тирикчилик қилардик. Бозоримиз раҳбари (каттаконлардан танишлари бор дейишади) шуни ҳам кўп кўриб, дўкон қилиб сотди. Биз тирикчиликсиз, бозор эса сувхонасиз қолди.
Бозоримизда 600 та дўкон бор, ҳар ой ҳар бир дўкондан 367 минг сўмдан ижара пули йиғилади. Ушбу дўконлар савдогарларга акция сифатида 25 миллион сўмдан сотилган. Лекин савдогарларда эгалик ҳуқуқи йўқ. Акция учун ҳам 10 йилдан буён дивиденд тўланмайди. Бундан ташқари, юзлаб ноқонуний расталар бор, ҳар метрига 10 минг сўмдан патта пули олинади.
Ўша вақтда лойиҳа бўйича дўконлар ташқарисига том қуриш кўрсатилган, лекин бу иш қилинмади. Ёзда офтобда, қишда ёмғир-қорда савдо қилинади. Бозор маъмурияти шароит яратиб берса бўлади-ку...”
(Бу хабар STга 11 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Фарзандларимиз яроқсиз ҳолдаги боғчага қатнаяпти”
ЎЗБЕКИСТОН тум. “Фарғона вилояти Ўзбекистон тумани Катта қайнар қишлоғида жойлашган 18-сонли мактабгача таълим муассасаси ночор аҳволга келиб қолган. Фарзандларимиз ушбу яроқсиз ҳолдаги муассасада тарбияланяпти. Фарзандларимиз эртанги кунга соғлом бўлиб катта бўлишини хоҳлаймиз. Юртимизда қанча боғчалар таъмирланяпти. Мутасадди идоралардан илтимосимиз, 18-сонли мактабгача таълим муассасасини ҳам давлат дастурига тушириб таъмирлаб беришсин”.
(Бу хабар STга 10 ноябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “8 йилдан буён қурилиш фирмаси ваъда қилган электр ва газ тизими янгиланишидан дарак йўқ” (ВИДЕО)
МАРҒИЛОН. “Фарғона вилояти Марғилон шаҳри Бурҳониддин Марғилоний кўчасида 2013 йилда бузиш амалга оширилган. Фарғона кўприклардан фойдаланиш унитар корхонаси қурилишни ютиб олган. 2015 йилгача қурилиш қилди, аммо коммуникацияга – электр энергияси ва газ тизимини янгилашга эътибор қаратилмади. Аслида ер тагидан электр кабели ўтказиб бериши керак эди. Аҳоли қўлбола усулда улаб олишга мажбур бўлган. Газ қувури ҳам шундай аҳволда. 8 йил ўтди, аммо ўзгариш йўқ. Бу масалада кўп бора мурожаат йўлладик, кафолат берамиз, деб жавоб беришди. Лекин натижа йўқ...”
(Бу хабар STга 8 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА: “Заводнинг электрдан миллиарддан зиёд қарзи бор. Унинг касрига биз жабр кўрмайлик...”
“Фарғона шаҳри Б.Марғилоний кўчасидан мурожаат қиляпман. Тадбиркор, ҳунарманд аёлман. Ёшим 35 да. Қўлимда 50 нафар ишчи-ходимим бор. Уларнинг кўпи кам таъминланган, темир дафтарда турадиган инсонлар. Улар олаётган ойлигидан миннатдор. “УзСаламан” заводида ижарада турамиз. Завод сотилгунга қадар иш тўхтамасин деб, 3 йил давомида таъминот қилиб келганмиз. Завод сотилгач, ҳақимиз заводда қолди. Уни сотиб олганлар эса чироқ қарздорлигини тўла, акс ҳолда ўчираман, деб тинчимизни бузяпти. Чироқни ўчиришса, қора қозони қайнаб турган шунча инсонлар ишсиз қолади. Ҳолбуки, уларнинг қарздорлиги миллиарддан ошиқ, менинг фирмамники эса, 15 миллион. Муҳтарам Президентимиз тадбиркор аёлларга катта имконият бермоқдалар. Бизнинг масала ҳам адолатли ҳал қилинишига умид қилиб қоламан”.
(Бу хабар STга 8 октябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Йўлга шағал тўкилди, раҳмат! Асфальт қачон қилинар экан?”
“Мен – Гулнора Азизова, Ўзбекистон тумани, Кичик Тагоб қишлоғи, Ибрат кўчаси 165-уйда яшайман. Йил бошида кўчамизга шағал ётқизиб, асфальтлаб беришларини сўраб бир неча бор Президент порталига мурожаат йўллагандим. Туман ҳокимлиги ва ободончилик бошқармасидан йўлни таъмирлашга ваъда беришди. Бир неча уринишларимиздан сўнг кўчага шағал тўкилди. Аммо ҳали асфальтлаб беришмади. Серқатнов кўчамиздан ҳар куни кўплаб мактаб ўқувчилари ўтади. Илтимос, кўчамизни асфальтлаб беришсин”.
(Бу хабар STга 29 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “14 йилдан бери қонуний сотиб олган мулкимга эгалик қилолмаяпман”
ЎЗБЕКИСТОН тум. “Мен – Аҳроржон Тўйчиев, Фарғона вилояти Ўзбекистон тумани Яйпан шаҳри Яйпан кўчаси 32-уйда яшайман. 2006 йили Фарғона вилояти иссиқлик корхонасига қарашли бўлган, Яйпан шаҳри Охунбобоев кўчасида жойлашган қозонхонани кимошди савдосида сотиб олганман. Тўловларни ўз вақтида амалга оширганимдан сўнг менга мулк ҳуқуқини тасдиқловчи давлат ордери берилди. 2006 йил апрель ойида тегишли шартнома тузилган, буйруқ чиқарилган. Аммо 14 йилдан бери қонуний сотиб олган мулкимга эгалик қилолмаяпман. Гап шундаки, Яйпан шаҳри Ибн Сино кўчасида жойлашган хусусий меҳмонхона эгаси менга тўсқинлик қилиб келмоқда. Чунки унинг қўлида 1996 йилда нотариус томонидан тасдиқланган қалбаки шартнома бор. Ваколатли идоралардан амалий кўмак сўрайман”.
(Бу хабар STга 23 сентябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Битта газ баллонни 45 кунга етказамиз, янгиси эса 65-70 кунларда келяпти”
ҚУВА. “Фарғона вилояти Қува тумани Акбаробод қишлоғидан ёзмоқдамиз. Табиий газдан узилганимизга 12 йил бўлди. Шундан бери суюлтирилган пропан газдан фойдаланиб келамиз. Газ келиши кечикяпти. Битта баллонни 45 кунга етказамиз, суюлтирилган газ 65-70 кунларда келади. Ёз кунларида ўтин билан эплаб олармиз, лекин қиш кунларида нима қиламиз?
Cуюлтирилган газ олиш учун пластик чиқибди, уни бериш ҳам ҳаялламоқда. Энди нақд пулга газ берилмас экан, фақат пластиги борларга берилар экан. Туман раҳбарларидан суюлтирилган газни ўз вақтида етказиб беришлари ва пластик масаласини ҳал этишларини сўраймиз”.
(Бу хабар STга 18 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Баъзида сув учун навбат талашиб икки маҳалла аҳли жанжаллашиб қолади”
ЎЗБЕКИСТОН тум. “Фарғона вилояти Ўзбекистон тумани Кичик Тағоб қишлоғи Ибрат кўчасида ичимлик сувига навбат. Баҳорда янги артезиан қудуқлари ковланган эди. Лекин ўтган вақт мобайнида қишлоқ аҳли орзиқиб кутган ичимлик сув чиқиши амримаҳол бўлиб қолди. 6-мактаб яқинидан чиқадиган сув истеъмолга тўлиқ яроқли бўлмаса-да ичяпмиз. Баъзида навбат талашиб икки маҳалла аҳли жанжаллашиб ҳам қолади. Мироб 4 соат сув беради, холос. Тайёр артезиандан сув чиқариш у қадар қийин бўлмаса керак. Халқпарварлар раҳбарларимиздан амалий кўмак сўраймиз”.
(Бу хабар STга 21 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Кузги экинларни эколмаяпмиз, сабаби – сувсизлик…”
ҚЎШТЕПА. “Фарғона вилояти Қўштепа тумани Эшонгузар МФЙ ҳудудидаги Саодат, Эътироф ва тахта бозори ортидаги кўчалар ариқларида бир ойдан бери сув йўқ. Экинларимиз сувсизликдан қуримоқда. Мевалар пишмай тўкилмоқда. Кузги экинларни ҳам эколмаяпмиз. Суриштирсак, Жанубий Фарғона каналида сув йўқ, дейишди. Мутасаддилардан амалий ёрдам сўраймиз”.
(Бу хабар STга 14 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Автотураргоҳ учун жой ажратилиб, ноқонуний савдога барҳам берилса бас...”
“Фарғона вилояти Ўзбекистон тумани Яйпан шаҳридан мурожаат йўллаяпмиз. Тадбиркор умид билан савдо мажмуаси қурди ва ишга туширди. Аммо мажмуага автотураргоҳ ажратилмади. Автотураргоҳга мўлжалланган жойда эса одамлар ноқонуний савдо қилмоқда. Негадир бозор раҳбари ҳам, маҳаллий масъуллар ҳам бу ҳолатга эътибор бермаяпти. Ҳурматли Юртбошимиз тадбиркорларга катта имкониятлар яратиб беряптилар. Бизга ҳам амалий кўмак берилади деган умиддамиз. Шунча меҳнат ва харажат қилган ишбилармон касод бўлиб қолмасин”.
(Бу хабар STга 7 сентября куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Бу ерда радар ўрнатилмаса бўлмайди”
ҚЎШТЕПА. “Фарғона вилояти Қўштепа тумани Янгиариқ МФЙ Янги авлод кўчасидан мурожаат қиляпмиз. “Янгиариқ азизлари” қабристони йўлида машиналар жуда тез ҳаракатланиши оқибатида авариялар кўп рўй бермоқда. Масалан, 2 нафар ёш бола ва бир нафар катта одам автоҳалокат туфайли вафот этди. Болалар юриши учун тротуар бор, лекин маҳалла раиси пиёдалар йўлагида дўкон қуришга рухсат берворган. Ушбу ҳудудга радар ўрнатишлари ва пиёдалар йўлагини очиб қўйишларини сўраймиз. Бегуноҳ инсонлар жабр кўрмасин”.
(Бу хабар STга 5 сентябрь куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Маҳалла аҳли номидан табиий газ таъминотини тиклашларини сўраймиз” (ВИДЕО)
ТОШЛОҚ. “Фарғона вилояти Тошлоқ тумани Заркент МФЙдан мурожаат қиляпмиз. Маҳалламиз 10 йилча олдин табиий газдан узилган. Шу сабаб йилнинг совуқ ойларида аҳоли қийналмоқда. Уйларни иситиш учун тезак ҳам ёқяпмиз. Табиий газ таъминотини тиклашларини сўраб турли идораларга мурожаат қилдик, аммо натижа бўлмади.
Яна бир масала. Ҳудудимиз “Обод маҳалла” дастурига тушган, аммо асфальт қилинди, холос. Тунги ёритиш чироқлари ўрнатилмади. Тоза ичимлик суви ҳам муаммо. Ушбу масалалар ечимида ҳурматли Президентимиз Шавкат Мирзиёевдан кўмак сўраймиз. Фарғонага келганингизда бизнинг маҳаллага ҳам ташриф буюрсангиз, бошимиз осмонга етади. Доимо соғ-омон бўлинг, ҳурматли Президентимиз!”
(Бу хабар STга 30 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – Поликлиника ходимлари: “Мудирамиз бизни мажбурий меҳнатга жалб қилди”
ҚЎҚОН. “Фарғона вилояти Қўқон шаҳридаги темир йўл поликлиникасидан мурожаат қиляпмиз. Поликлиника мудири биз кичик тиббий ходимларни мажбурий меҳнатга жалб қиляпти. Ўт юляпмиз, гилам ювяпмиз. Оқибатда, ўз ишимизни қила олмаяпмиз. Бунинг устига, бизни ҳар-хил ҳолатда расмга олиб, Телеграм-каналларга ўртоқларига томоша учун юборяпти. Мажбурий меҳнат ҳурматли Президентимиз томонидан тақиқланган. Поликлиникамизда ҳам бунга чек қўйилади, деган умиддамиз”.
(Бу хабар STга 29 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Кредит ажратиш пайсалга солиняпти, белгиланган стипендия ҳам тўлангани йўқ”
“Мен – Фароғат Йўлчиева, Фарғона вилоятидан мурожаат йўллаяпман. 2015 йилдан буён турмуш ўртоғимнинг иши юзасидан Фарғона шаҳрида ижарада яшар эдим. Фарзандларим ҳам боғча ва мактабга боришар эди. 2020 йилда турмуш ўртоғим ишидан айрилгач, оилавий шароитимиз оғирлашиб, фарзандларим билан ота-онамнинг яшаш хонадонига – Фурқат туманига кўчиб кетдик. Маҳаллага моддий ёрдам беришларини сўраб мурожаат қилдим. Туман ҳокимияти вакили менга “Ҳар бир оила – тадбиркор” дастури доирасида имтиёзли кредитлар ажратилиши мумкинлигини тушунтирди. Шундан кейин имтиёзли кредит олиш ва оилавий тадбиркорлигимни йўлга қўйиш учун “Тадбиркор аёл” ассоциацияси Фарғона вилояти ҳудудий бўлими томонидан ташкил этилган қисқа бизнес ўқув курсини тамомладим ва 39-рақамли сертификат олдим. Кейин “Халқ банки” Фурқат тумани бўлимига кредит масаласида мурожаат қилдим, лекин банк турли баҳоналар билан кредит ажратмади. Мурожаатларимни ижобий ҳал қилиш ўрнига “Халқ банки” Фурқат филиали ходимлари 13 август куни онамнинг яшаш хонадонига келиб “Қизингизга кредит ажратилмайди, уни Фарғона шаҳрига кўчиб кетган деб тушунтириш хати ёзиб берасиз” деб тазйиқ ўтказибди. Бу билан банк ходимлари қонунчиликни қўпол равишда бузмоқда.
Бундан ташқари, қисқа бизнес ўқув курсини тамомлаб, сертификат олган ҳар бир битирувчига берилиши лозим бўлган бир маротабалик стипендия (450 минг сўм) ҳам тўлаб берилгани йўқ. Масъуллардан ушбу масалани ижобий ҳал этишда амалий ёрдам сўрайман”.
(Бу хабар STга 21 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Талабалар ярим тунгача давом этаётган тадбирларда байроқ кўтаришга мажбурланмоқда”
"Тошкент ахборот технологиялари университети Фарғона вилоят филиали талабалари Президент сайлови олдидан ЎзЛиДеП Фарғона вилояти Кенгаши томонидан ўтказилаётган тарғибот тадбирларида байроқ кўтаришга мажбурланяпти. Тадбирларда оч-наҳор қолиб, уйга ярим тунда қайтяпмиз. Бундай тадбирлар Фурқат, Бешариқ, Данғара, Учкўприк туманларида бўлди. Яна қанча жойда оч қолиб, байроқ кўтариб юрамиз? Биз партия ходимлари эмасмиз-ку!".
(Бу хабар STга 23 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вил. – “Ҳайдовчилик гувоҳномаcи ариза бланкаси 50 минг сўмдан сотиладими?”
“Ҳайдовчилик гувоҳномамизни янгисига алмаштириш учун Фарғона вилояти ИИБ ЙҲХБга бордик. Коррупцияни ёдга солувчи ҳолатга гувоҳ бўлдик. Ариза тўлдирувчи унитар корхона ходимлари ариза тўлдириш учун бланка қолмади, дея катта сунъий навбат ҳосил килишди. Эрталаб соат 09:00 дан 15 гача бланка можароси бўлди. Бу орада 50 минг сўмга сотиб олиш мумкинлиги маълум бўлди. Бунга эса пулимиз йўқ эди. Бу алдов йўли билан пул ишлаш усули эмасми?”.
(Бу хабар STга 4 август куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|
ФАРҒОНА вилояти: “Туман ҳокими нега Президент маслаҳатчисининг ўринбосари топшириғини бажармайди?”
“Давлат раҳбарининг тегишли топшириғи асосида Президент маслаҳатчисининг биринчи ўринбосари Бахтиёр Исломов раҳбарлигидаги Республика ишчи гуруҳи 24.04.2021 йил куни Фарғона вилояти Ўзбекистон туманида сайёр қабул ўтказган эди. Қабулда шахсан Б.Исломовнинг ўзи Дўстларобод қишлоғи ички йўлларини асфальтлашни туман ҳокими Ш.Йўлдошевга топшириқ қилиб берганди. Ҳоким бир ҳафтада кўчаларни тўлиқ асфальтлашга ваъда берганди. Мана, орадан салкам 3 ой ўтса-да, ваъда бажарилмади. Туман ҳокими нега Президент маслаҳатчисининг биринчи ўринбосари топшириғини бажармайди?”
(Бу хабар STга 18 июль куни келган)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|