Сиёсий тутқун Мурод Жўраев Қашқадарёда дафн қилинди
"Мустақил Ўзбекистон тарихидаги энг узоқ маҳкумликда сақланган сиёсий тутқунлардан бири Мурод Жўраев Қашқадарё вилоятининг Муборак шаҳридаги уйида 65 ёшида вафот этди. Мурод Жўраев, қариндошларининг айтишича, уйда,чой ичиб ўтирган пайти, тўсатдан жони узилган.
Мурод Жўраев 5 декабрь куни Қашқадарёда дафн қилинди. Дафн маросимида марҳумнинг яқинлари, дўстлари, маҳалладошлари иштирок этди.
Мурод Жўраев 1990 йилда сайланган Ўзбекистондаги илк парламентининг депутати эди. 1995 йилдаги маҳкама Мурод Жўраевни давлат ҳокимиятини ағдаришга уринишда айблаб, 12 йиллик қамоқ жазосига маҳкум этди. Унинг қамоқ муддати сохта айбловлар билан бир неча бор узайтирилиб, умрининг 21 йилини тутқунликда ўтқазди. 2015 йилнинг ноябр ойида Мурод Жўраевни озод қилишга қарор берилган эди. У қамоқдан чиққанидан кейин хорижда даволаниш истагини билдирганди".
******************************************************************************
|