ШАҲРИХОН. “Сиздан Телеграм”да Андижон вилояти Шаҳрихон тумани шифохонасидаги муаммолар хусусида мактуб чоп этилган эди. Мутасаддиларнинг маълум қилишича, туман раҳбарлари, хусусан, сектор раҳбарлари тиббиёт бирлашмасига келиб, муаммоларни ўрганди.
Қайд этилишича, учрашувда бюджет маблағларидан мақсадли фойдаланиш, беморларга зарур шарт-шароит яратиш, дори-дармон билан таъминлаш, шифокорларнинг муомала маданияти, санитария-гигиена қоидаларига қатъий риоя қилиш, ободончилик ишларини ташкил этиш, муассасаларни қиш мавсумида иситиш, тоза ичимлик суви, электр энергияси билан таъминлаш каби долзарб масалалар атрофлича муҳокама этилди. Аниқланган камчиликларни зудлик билан бартараф этиш юзасидан масъул мутасаддиларга топшириқлар берилди”.
(Бу хабар STга 8 февраль куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|